Պալիատիվ բուժօգնությունն ու խնամքը պահանջում են բարձր որակավորում ունեցող մասնագետների շարունակական աշխատանք, ժամանակակից բժշկական մոտեցումներ, անհրաժեշտ սարքավորումներ, հարմարավետ պայմաններ և ամենակարևորը՝ հոգեբանական պատրաստվածություն ու նվիրվածություն։
Սոցիալական բիզնեսի մոդել
«Խնամի» պալիատիվ կենտրոնը գործում է որպես սոցիալական բիզնես․ մատուցվող վճարովի ծառայություններից գոյացող միջոցներն ուղղվում են կենտրոնի կայուն գործունեությանը, մասնագիտական թիմի աշխատանքի ապահովմանը և բուժառուների խնամքի որակի շարունակական բարելավմանը։
Մեր արժեքները և մոտեցումը
Մեր ամենօրյա աշխատանքի հիմքում միշտ մնում է մարդը՝ իր կարիքներով, անհատական պատմությամբ և արժանապատիվ կյանքի իրավունքով։ Մենք ձգտում ենք ապահովել ոչ միայն անհրաժեշտ բժշկական աջակցություն, այլև հոգեկան հանգիստ ու ջերմ միջավայր յուրաքանչյուր բուժառուի համար։
Եթե ցանկանում եք օգտվել մեր մասնագիտական ծառայություններից կամ աջակցել մեր առաքելությանը, կարող եք կապ հաստատել մեզ հետ՝ ստանալու անհրաժեշտ խորհրդատվություն և տեղեկատվություն։
